დღეს იტალიის ნაკრები საქართველოს რაგბის ნაკრებს ფლორენციაში, სტადიო არტემიოზე უმასპინდძლებს. იტალია და საქართველო ბოლოს ერთმანეთს 2003 წელს შეხვდნენ და ჩვენი ბიჭები დაძაბულ ბრძოლაში 31-22 დამარცხდნენ.

ჩვენი ნაკრებისთვის ამხანაგური, თუმცა პრინციპულად ყველაზე მნიშვნელოვანი მატჩი, საქართველოს დროით 18:00 საათზე დაიწყება. შეგახსენებთ, რომ საქართველოს ნაკრები მსოფლიო რეიტინგში #13 ადგილზე იმყოფება, ხოლო იტალიის ნაკრები #14-ია.

ნაკრების მთავარმა მწვრთნელმა, მილტონ ჰეიგმა განაცხადა: “იტალია უმაღლესი დონის ნაკრებია თავისი უზარმაზარი ისტორიით. ქართველები ‘ახალი ბიჭები არიან ქუჩიდან,’ რომელთაც სურთ ისტორია დაწერონ. დიდი ბრძოლა იქნება, მაგრამ ჩვენ ბედნიერები ვართ, როდესაც წინ ბრძოლა გველოდება.”

ახლა კი გადავხედოთ თუ რას წერენ უცხოელი რაგბის ფანები თამაშის წინ:

“დღის ყველაზე მნიშვნელოვანი იტალია საქართველოს მატჩია. ეს იქნება უფრო მეტი ვიდრე თამაში”

“საქათველოს ნაკრებმა უნდა გააცამტვეროს ისინი!”

“გულწრფელად ვფიქრობ, რომ საქაართველო გაიმარჯვებს! და თუ გაიმარჯვებენ მაშინ მათ მყარი არგუმენტი ექნებათ იმისათვის, რომ იყვნენ “ექვსი ერში” და ვერც დაადანაშაულებ!”

მოდით ერთ რამეზე შევთანხმდეთ, დღეს მხოლოდ ერთი მატჩია საინტერესო და ეს “იტალია” – “საქართველოს” დაპირისპირებაა. ეს თამაში იქნება ნამდვილი ჯახი!”

 

“იტალიელები” საკუთარ კედლებში თამაშობენ, მაგრამ ყველამ კარგად იცის თუ რამდენად ძლიერია საქართველო შერკინებაში!”

 

“ვფიქრობ საქართველო დღეს შოკში ჩააგდებს იტალიას”