1. Red Dead Redemption 2 (97 ქულა 100-დან)

GTA 5-ის შემქმნელები კიდევ ერთ საოცარ თამაშს სთავაზობენ მსოფლიოს. Red Dead Redemption 2 ფაქტობრივად უკონკურენტოა 2018 წელს გამოსული თამაშებიდან. საუცრად რეალისტური გრაფიკა და შემზარავი ისტორია ველური დასავლეთიდან!

მოქმედება ვითარდება 1890-იანების ამერიკაში. ეს არის ველური დასავლეთის ეპოქის დასასრულის დასაწყისი. დასავლეთის ერთ-ერთ ქალაქში, ბლექუოთერში, ბანკის ძარცვა წარუმატებლად დასრულდა და მძარცველებს გაქცევა მოუწიათ, რომელთაც სახელმწიფოს ყველაზე დაგეშილი ფედერალები დაედევნებიან. საბოლოოდ თამაშის მთავარი პერსონაჟი მძიმე გადაწყვეტილების წინაშე დადგება: საკუთარ პრინციპებს უღალატოს თუ იმ ბანდას, რომელმაც ის გაზარდა.

 

2. God Of War (94 ქულა 100-დან)

ეს არის უნიკალური თამაში, რომელიც ყველა ადამიანმა უნდა გამოსცადოს დედამიწის ზურგზე. ეს საოცარი ეფექტებითა და ვიზუალური გრაფიკით გაჟღენთილი თამაში ცოტახნით ვალჰალაში გამოგზაურებთ.

თამაშის მთავარი პერსონაჟი კრატოსი და მისი შვილი ნორვეგიული ღმერთებისა და მონსტრების მიწაზე ცხოვრობს, რომელთაც თავის გადასარჩენად უამრავი ბროძოლა უწევთ.

 

3. Divinity: Original Sin 2 Definitive Edition (92 ქულა 100-დან)

ამ თამაშს აქვს ყველაფერი იმისათვის, რომ იყოს თანამედროვეობის კლასიკა. ამ თამაშში არის უდიდესი სივრცე და თავისუფლება, რომელიც საშუალებას მოგცემთ აღმოაჩინოთ მაგიკური შუასაუკუნეების ფენტეზის ყველა საიდუმლოება.

 

4. Forza Horizon 4 (92 ქულა 100-დან) 

450-ზე მეტი სახეობის მანქანა და შანსი გახდე ვარსკვლავი ისტორიულ ბრიტანეთში! ეს თამაში არის რეისინგ ჟანრის სრუყოფილება. მიუხედავად იმისა, რომ ამ ჟანრის თამაშები აღარ არის ისეთი პოპულარული, როგორც ადრე, Forza Horizon 4-ი ინარჩუნებს და არ კარგავს წამყვან პოზიციებს ბაზარზე!

 

5. Bayonetta 2 (92 ქულა 100-დან) 

ეს თამაში არ მოგცემთ სკამზე მშვიდად ჯდომის საშუალებას. მისი ინტენსიური საბრძოლო სცენები ძალიან ჩამთრევია და ეცადეთ დრო აკონტროლოთ, თორემ ისე დაღამდება და გათენდება, რომ ვერც იგრძნობთ.

 

ასევე აუცილებლად უნდა ითამაშოთ: INSIDE (91) და Shadow Of The Colossus (91)