24 ნოემბერი უკრაინის ისტორიაში ერთ-ერთი ტრაგიკული პერიოდის, ჰოლოდომორის მოსაგონარი დღეა. უკრაინაში ამ შავბნელმა პერიოდმა 2,2 მლნ (ზოგიერთი წყაროს მიხედვით 10 მლნ) ადამიანის სიცოცხლე იმსხვერპლა. სიკვდილიანობის მიზეზი შიმშილი იყო.

Image result for holodomor

1930-იან წლებში სტალინური რუსეთის ხელმძღვანელობით ხარკოვიდან მოსავალი გაზიდეს. უფრო მეტიც, თითოეულ სახლში შედიოდნენ და რაც კი რამ საკვები მოეპოვებოდათ ყველაფერს ანადგურებდნენ. წყაროების მიხედვით, ხალხის თვალწინ ქვაბიდან კერძებს პირდაპირ მიწაზე ასხამდნენ. ადამიანები სასიკვდილოდ გაწირეს.

image

მიზეზი კი ერთი იყო- კერძო მეურნეები იძულებით გაეწევრიანებინათ კოლექტიურ მეურნეობაში.

ამ სისასტიკით მოცულ პერიოდში ადამიანები სასოწარკვეთას მიეცნენ და ბევრი მათგანი ფსიქიკურად შეიშალა. ისტორია გასახსენებლადაც კი მძიმეა. ხელოვნურად გამოწვეული ტოტალური შიმშილის დროს მოსახლეობა საკვებად ჯერ ვირთხებსა და კატებს მოიხმარდა და შემდეგ ზოგიერთ ოჯახში მცირეწლოვან ბავშვებს.

ამ მოვლენის არანაირი ამსახველი კადრი არ იქნებოდა, რომ არა ალექსანდერ ვინებერგერი, რომელმაც საკუთარი სიცოცხლის გარისკვით ისტორიას ჰოლოდომირის ამსახველი ფოტოსურათები შემოუნახა.

image

მოსკოვი ბრალდებას დიდი ხნის განმავლობაში უარყოფდა და ამბობდა, რომ შიმშილობის მიზეზი ცუდი მოსავალი იყო. აშშ-მ და კიდევ 15-მა ქვეყანამ მიიღო რეზოლუცია, რომლის მიხედვითაც სტალინმა გენოციდი მოუწყო უკრაინას.